Klara Lísa Hervaldsdóttir - 41 árs í dag

Elskuleg eiginkona er 41 árs í dag en við Klara eigum einnig 14 ára brúðkaupsafmæli í dag þannig að við getum alltaf fagnað tvöfalt á afmælinu hennar.

Hitt er að ég gleymi aldrei brúkaupsafmælum okkar þar sem þetta ber upp á sama dag.

Ég Valli og Eiríkur Egill óskum Klöru og mömmu innilega til hamingju með afmælisdaginn

Áfram Stjarnan

Núna eygjum við Stjörnumenn smá vonarglætu að við náum því að komast upp fyrir Selfyssinga og upp í efstu deild.

Vonin er reyndar veik en maður verður að vona það besta og óska Stjörnunni góðum úrslitum og Selfyssingum slæmum.

Ég er ákafur stuðningsmaður Stjörnunnar

Brynjar tryggði Víkingi sigur á síðustu mínútu

Hervald Rúnar 18 ára 29. ágúst

Valli okkar Klöru dettur í 18 ára aldurinn nú á miðnætti og telst hann nú sjálfráður og má gifta sig, en eins og hann segir sjálfur:  "Ég má gifta mig en ekki fara sjálfur og kaupa áfengi fyrir veisluna"

Ég, mamma og Eiríkur óskum Valla okkar innilega til hamingju með daginn.

Alveg eins og þegar Keiko kom

Síðast þegar ég fylgdist með lendingu flugvélar í beinni útsendingu í íslensku sjónvarpi var þegar Keikó lenti í Vestmannaeyjum og verðum maður að vona að landsliðinu bíði betra líf en Keikó.

Ég óska landsliðsmönnunum innilega til hamingju með verðlaunin og heimkomuna

Landsliðið komið heim

Kallinn er kominn á fimmtugsaldurinn og byrjaður í skólanum

Nú 14. ágúst sl. datt ég inn í fimmtugsaldurinn og verð að segja að ég finn lítinn mun á mér eftir að það gerðist

Var þá staddur með fjölskyldunni á Englandi en við vorum þar í heimsókn hjá innfæddum sem býr úti í sveit í um  200 ára gömlu húsi og reikna ég með að setja inn ferðasögu á næstu dögum vikum.

Sitt akkúrat núna í ráðstefnusal hjá EHÍ á fyrsta skóladegi.

Ég sé ykkur seinna

Ristilspeglun lokið

Fór í dag í ristilspeglun og kom hún mjög vel út og virðist sem að ristilkrampar hafi verið að hrjá mig.  Magaspeglunin fyrir helgi sýndi einhverjar magabólgur sem eiga samt ekki að teljast óeðlilegar.

Ristilspeglunin var mun minna mál en ég þorði að vona en undirbúningurinn gekk út á mat og fæðu án innihalds en ég er búinn að fylla mig af gosdrykkjum, orkudrykkjum og kjötsoði.  Fékk síðan hægðarlosandi lyf og ætlaði varla að trúa hvað hægt væri að eiga margar salernisferðir á einum degi.

Niðurstaða þessara rannsókna virðist sýna að ekkert alvarlegt er í gangi hjá mér og er öllum frekar létt yfir því. 

Ég hef nú aftur eðlilegar hægðir

Magaspegluninni lokið

Ég er búinn að vera í "rússi" í dag eftir magaspeglunina en góðu fréttirnar eftir það er að ekkert annað en smá magabólgur komu í ljós og er það ljósi punkturinn eftir speglunina.  Það sem ekki er jafn ánægjulegt er að ég þarf að fara í ristilspeglun eftir helgina en ég var að vonast eftir því að sleppa við það.

Ég get ekki sagt að ég hlakki mikið til en vonast eftir einhverri niðurstöðu eftir ristilspeglunina

Magaspeglun

Er núna að láta mér hlakka til að fara í magaspeglun sem ég fer í í fyrramálið og á síðan pantað í ristilspeglun eftir helgi ef ekkert kemur út úr magaspegluninni.

Vonast til þess að eitthvað komi út úr spegluninni á morgun þannig að ég þurfi ekki að fara í hitt eftir helgina.

Ég vona að núna fari eitthvað að koma í ljós í mínum málum

Glaður skáti eftir landsmót

Það var glaður skáti sem kom heim eftir landsmót skáta sem haldið var að þessu sinni á Akureyri, en Eiríkur okkar Klöru kom heim á þriðjudaginn eftir vikudvöl á Landsmóti skáta.

Við Klara vorum einnig á staðnum á tjaldsvæðinu bróðurpartinn af landsmótinu og var eins og veðrið hafi verið sérstaklega pantað fyrir landsmótið, sól og hiti allan tímann. 

Eiríkur hefur sjaldan skemmt sér jafn vel og þessa viku og endaði á því að sofa síðustu nóttina undur berum himni en hans hópur svaf í stóru hengirúmi sem búið var til úr trönum og fiskneti.

Það var okkur Klöru sérstaklega ánægjuleg upplifun að taka þátt í þessu og fá að hjálpa til við eitt og annað eins og t.d. það að fá að matreiða ofan í 70 krakka sem höfðu hamast allan daginn.

Ég hlakka mikið til að fara á næsta Landsmót

Véfréttafyrirsögn

Heldur finnst mér Morgunblaðið vera í véfréttastíl með þessari fyrirsögn og hlýtur maður að velta fyrir sér af hverju tekið er svona sterkt til orða.

Forsvarsmenn SPRON hrekja fréttina með þeim hætti að maður trúir varla að áhrifin verði með þeim hætti sem fréttin segir.

Ég vona að véfréttin standist ekki

Allt að 200 missa vinnu við samruna SPRON og Kaupþings