10.000 Garbæingar

Garðbæingar náðu í lok janúar þeim áfanga að verða í fyrsta sinn fleiri en tíu þúsund. Páll Hilmarsson, forseti bæjarstjórnar Garðabæjar, fagnaði þessum áfanga í dag með því að afhenda fjölskyldu tíu þúsundasta Garðbæingsins góðar gjafir. Garðbæingur númer tíu þúsund er, samkvæmt upplýsingum frá þjóðskrá, lítil stúlka sem fæddist 30. janúar sl., dóttir hjónanna Hrannar Sigríðar Steinsdóttur og Jóns Vilbergs Magnússonar.

Á myndinni heldur Páll Hilmarsson á 10 þúsundasta Garðbæingnum. Með á myndinni eru foreldrar stúlkunnar.

Góðar gjafir frá fyrirtækjunum í Kauptúni

Fyrirtækin í Kauptúni, nýja viðskiptahverfinu í Garðabæ, Bónus, Byko, IKEA og Max buðu tíu þúsundasta Garðbæinginn velkominn í heiminn með því að gefa fjölskyldu hennar 10 þúsund króna gjafabréf hvert. Páll kom færandi hendi með gjafabréfin ásamt fallegum blómvendi frá Blómabúðinni á Garðatorgi.

Með fyrstu íbúum Akrahverfis

Fjölskylda tíu þúsundasta Garðbæingsins býr í Akrahverfinu, nýjasta hverfinu í Garðabæ en það hverfi er nú óðum að fyllast af íbúum. Fjölskyldan flutti í Garðabæinn úr Kópavoginum fyrir rúmu ári og var þá með fyrstu íbúum Akrahverfisins. Nýfædda stúlkan á tvö eldri systkin. Bróðir hennar er orðinn mikill Garðbæingur, hann stundar nám í Hofsstaðaskóla og er byrjaður að æfa með Stjörnunni. Systirin byrjar í Hofsstaðaskóla næsta vetur.

Í heimsókn sinni til fjölskyldunnar minnti Páll Hilmarsson á að rúm þrjú ár eru síðan níu þúsundasti íbúinn var boðinn velkominn í bæinn. Hann sagði að áfram væri gert ráð fyrir mikilli íbúafjölgun næstu árin og áratugina enda ætti Garðabær mikið af góðu byggingarlandi þar sem ný íbúðahverfi muni rísa í náinni framtíð.

Ég óska foreldrunum og Garðabæ til hamingju með áfangann

(af vef Garðabæjar)

Alþjóðlegt hjálpar- og björgunarflug í Darfur

Hlustaði í kvöld á mjög merkilega umfjöllun um hjálpar- og björgunarflug á vegum Alþjóða Rauðakrossins í Darfur.

Rafn Jónsson flugstjóri sagði frá starfi sínu vegna þessa en hann dvaldi þar og skipulagði á vegum Alþjóða Rauðakrossins, björgunar og björgunarflugi eftir jarðskjálftana miklu í Pakistan. 

Hrikalegar myndir og lýsingar gáfu manni innsýn í þá neyð sem hefur ríkt á þessum slóðum eftir þessar hörmungar.

Eftir svona lýsingar er maður þakklátur fyrir það að lifa við öryggi og vonar að maður þurfi aldrei að ganga í gegnum þær hörmungar sem náttúruöflin geta valdið.

Ég vona að ég þurfi aldrei að upplifa hörmungar eins og þessar

Lausn á vanda við að manna ummönnunarstörf?

Getur verið að hér sé komin lausn til þess að útrýma manneklu í ummönnunarstörfum?

Ég held varla

Vélmenni í umönnunarstörf

Hverjir réðu ferðinni í samrunaviðræðum?

Í umræðum um samruna REI og GGE virðast flestir gleyma hlut Guðmundar Þóroddssonar og Bjarna Ármannssonar í þessu ferli.  Getur verið að þeir hafi verið stikkfrí í þessum málum eða stýrðu þeir hugsanlega þessum gjörningi?

Getur verið að þessir hlutir hafi farið eins og fóru af því að pólitískir fulltrúar treystu þeim aðilum sem leiddu málið?

Ég held að skýrslan muni draga eitt og annað vegna þessa fram í dagsljósið

REI skýrslan áfellisdómur

Fagra Ísland

Ég bíð nú með talsverðri eftirvæntingu eftir því að heyra hvað ráðherrar og þingmenn Samfylkingarinnar hafa um þetta mál að segja. 

Ég velti fyrir mér hvort þeir hafi sömu skoðun nú og fyrir kosningar

Þjórsárvirkjanir hafa forgang

Þrjóska?

Spurning hvaða málsvörn þessi mun beita ef þetta fer í réttarsali.  Hugsanlega fær hann einhvern "stjörnulögfræðing" til þess að verja sig?

Ég held að ég væri búinn að gefast upp á þessu

Ók 40 sinnum um Hvalfjarðargöng án þess að borga

Við fyrstu skoðun er þetta ekki svo galið

Mín fyrstu viðbrögð vegna þessa er að þessi hugmynd sé ekki svo galin.

Björn Bjarnason er samur við sig og slær ekki við slöku þegar kemur að öryggi íbúanna.  Hann hefur sýnt kjark og þor í sínum ákvörðunum og er óhræddur við að flíka sínum skoðunum.

Ég held að Björn Bjarnason hafi ekki sagt sitt síðasta í þessum málum

 

Björgunarsveitarmenn í varalið lögreglu?

Hræðsluáróður?

Getur verið að nú sé að fara af stað sami áróður og danskir fjölmiðlar voru með þegar Baugur og fleiri keyptu upp fyrirtæki og fasteignir í Danmörku?

Getur verið að eitthvað sé til í þessum skrifum en á sínum tíma voru danskir fjölmiðlar efins um blaðaútgáfu Baugs í Danmörku en spár danskra blaðamanna um fríblaðið hafa gengið eftir.

Ég vona að þessi áróður sé ekki á rökum reistur.

Er allt á niðurleið á Íslandi?

Hver hefði trúað þessu?

Það eru ekki nema örfá ár síðan núverandi forseti var óvinsælasti stjórnmálamaður landsins en núna, örfáum árum síðar, virðist meginþorri þjóðarinnar vilja sjá hann áfram í þessu embætti.

Um forsetatíð Ólafs Ragnars er hægt að segja að hann hafi oftast aðeins verið sem "týpískur" forseti en oft hefur mér þótt hann fara offarir í þessu starfi, en það er auðvitað mín skoðun.

Forsetaembættið hefur breyst mikið í hans tíð sem forseti og veit ég ekki endilega hvort það sé embættinu til framdráttar.

Ég held að við ættum að hugsa okkur vel un næst þegar við kjósum forseta

86% styðja Ólaf Ragnar

Borgarstjóragen

Getur ÍE og Kári ekki reynt að finna borgarstjóragenið og fundið út úr því vegna hvers borgarstjórar Reykjavíkur hafi svona oft verið þekktir fyrir hágreiðslu og eða eða hárleysi?

Einum borgarstjóra sem þekktur var fyrir hárið man ég t.d. eftir sem haldinn var einhverskonar valdafíkn og ætlaði sé að sitja bæði sem borgarstjóri og forsætisráðherraefni flokksins síns.  Félagar þess aðila voru reynda ekki lengi að losa sig við hann þegar þeir komust að því. 

Annar borgarstjóri sem líka var þektur fyrir hárið ætlaði sér að fara í ferðlag og villtist á miðri leið þannig að hann varð að hætta þar hann vissi ekki hvert hann var að fara. 

Sá sem situr núna er vissulega með hár sem eftir er tekið en ég er ekki viss um að hann verði frægur af öðru en því.

Sá sem á að taka við af honum er ekki með eigin hár og mann ekki allt upp á hár.

Einn annar borgatstjóri tók síðan þátt í svindli til þess að pretta bíleigendur einhverjum árum áður en hann var boorgarstjóri þannig að félagar hans losuðu sig líka við hann, eins og þennan valdagráðuga.  Þessi aðili var alltaf fallega greiddur en samt held ég reyndar að hans verði ekki minnst fyrir hárið sitt.

Sá síðasti af borgarstjórunum sem ég vil minnast á var sennilega með mest hár af öllum þessum aðilum og var sá mjög farsæll borgarstjóri.  Hann var það farsæll að félagar hans vildu helst ekki að hann myndi hætta í borgarstjórastólnum.  Sá aðili vildi einnig verða forsætisráðherra hjá sínum flokki og tókst það með glans og varð sem forsætisráðherra virtur og dáður eins og hann var sem borgarstjóri.

Miðað við þetta þá er fengsælast að vera með sem mest hár ef maður ætlar að verða fengsæll borgarstjóri.  Vona að Kári og ÍE muni finna rétta borgarstjóragenið

Ég held að ég sé ekki með nógu mikið hár til þess að verða borgarstjóri

Nýju ljósi varpað á þróun