Glaður skáti eftir landsmót

Það var glaður skáti sem kom heim eftir landsmót skáta sem haldið var að þessu sinni á Akureyri, en Eiríkur okkar Klöru kom heim á þriðjudaginn eftir vikudvöl á Landsmóti skáta.

Við Klara vorum einnig á staðnum á tjaldsvæðinu bróðurpartinn af landsmótinu og var eins og veðrið hafi verið sérstaklega pantað fyrir landsmótið, sól og hiti allan tímann. 

Eiríkur hefur sjaldan skemmt sér jafn vel og þessa viku og endaði á því að sofa síðustu nóttina undur berum himni en hans hópur svaf í stóru hengirúmi sem búið var til úr trönum og fiskneti.

Það var okkur Klöru sérstaklega ánægjuleg upplifun að taka þátt í þessu og fá að hjálpa til við eitt og annað eins og t.d. það að fá að matreiða ofan í 70 krakka sem höfðu hamast allan daginn.

Ég hlakka mikið til að fara á næsta Landsmót

Athugasemdir

[Ásdís Sigurðardóttir, 31.7.2008 kl. 20:40]

Það litla sem sást af þessu móti í fréttum var skemmtilegt. Þetta hlýtur að hafa verið dásamlegir dagar.  Velkominn heim