MBL.is ber höfuð yfir herðar í netmiðlum

Hvað sem þessari niðustöðu líður þá er ég á því að fréttamennskan á mbl.is er ekki eins vönduð og hún var og má oft sjá að þeir eru greinilega ekki að láta "púkann" yfirfara hjá sér ritunina.  Ég hef svo sem ekki mikinn samanburð þar sem ég er ekki á öðrum fréttamiðlum en finnst mbl.is vera að reyna einhverskonar "æsifréttastíl", allavegana í fyrirsögnunum.

Þessi niðurstaða finnst mér sýna að "Baugsmiðlarnir" njóta ekki eins mikils trausts og vinsælda og þeir vilja halda fram.  Þó að Fréttablaðið sé vissulega að skora hátt í skoðanakönnunum þá verður að íhuga það að blaðið er jú borið frítt út á öll heimili og óeðlilegt að það væri ekki að skora hátt ef það er borið saman við Morgunblaðið sem selt er í áskrift.

Réttlátur samanburður er það að bera saman mbl.is og visir.is og sést þar að mbl.is er langtum vinsælla heldur en visir.is.   Þar sem mbl.is er ekki selt í áskrift þá velja greinilega mun fleirri mbl.is heldur en visir.is.

Ég reglulegur "áskrifandi" að mbl.is

Lestur á mbl.is eykst

Athugasemdir

[Eyþór (IP-tala skráð) 7.11.2007 kl. 17:07]

Breytingarnar sem þeir gerðu á vísi hafa eflaust eitthvað með þetta að segja.

[ex354 (IP-tala skráð) 7.11.2007 kl. 17:13]

Já, þetta er eins og að bera saman Lexus og Skóda. Gaeðin á mbl.is eru ekki bara meiri, heldur kunna þeir sem að skrifa á mbl.is líka að stafsetja almennilega. Villurnar á visir.is eru stundum fáránlegar. Mbl.is er líka svona eins og afinn, á meðan vísir.is er meira eins og unglingurinn

[Vendetta, 7.11.2007 kl. 18:05]

Vandamálin vikum saman með að komast inn á spjallið hjá visir.is fyrr á þessu ári, auk þess það, að banna mönnum að gera beinar athugasemdir við fréttir, rak marga yfir í bloggið á mbl, m.a. mig.

Það hefur eflaust farið í taugarnar á ritstjórn visir.is, að fólk var oft að benda þeim á villur í fréttum eða að lesendur höfðu ákveðnar skoðanir um málin. Hvað sem því líður, þá hafa margir litið á þessar aðgerðir sem lóðrétta ritskoðun. Mælanlegur lestur (eða amk. innlit) veffréttamiðla tengist mikið til umræðum, spjalli og bloggi. 

Það er rétt, að fréttaflutningurinn á mbl.is er mikið vandaðri en á visir.is. Nú þegar ég er kominn með blogg á mbl.is fer ég ekki lengur þangað.

[Gísli Bergsveinn Ívarsson, 7.11.2007 kl. 18:48]

Spurning er hvort að gamlir visir.is bloggarar séu að mótmæla því að ekki sé leyfilegt að blogga um fréttir en á man að ég gagnrýndi það á mínu bloggi hér á mbl á sýnum tíma og fékk einhverjar mótbárur við við.

Hef ekki samanburðinn af visir.is þar sem ég fer þangað helst ekki.

Vendetta bendir á "lóðrétta ritskoðun" á visir.is og held á að fleira en bloggið hjá Baugsmiðlunum sé ritskoðað

[Gísli Bergsveinn Ívarsson, 7.11.2007 kl. 20:39]

Skil ekki alveg hvað Slembinn á við.

Hef ekki séð að Mogginn og mbl.is hafi ekki verið að fjalla um REI málið.  Núna ertu eitthvað að rugla

[Theódór Norðkvist, 8.11.2007 kl. 02:36]

Þrátt fyrir að mbl.is sé leiðinlega oft málgagn Sjálfstæðisflokksins þá verð ég að taka undir þetta með gæðin. Vefurinn er mjög skipulega uppsettur, með þægilegt viðmót og auðvelt að finna á honum efni.

Hvað tæknilegu hliðina varðar kemst visir.is ekki með tærnar þar sem mbl.is hefur hælana. Þeir fyrrnefndu spilltu auk þess mikið fyrir sér með að loka fyrir skoðanir á fréttum.

Ef þeir gerðu það til að taka á nafnlausum óhróðri þá virði ég þá viðleitni. Nafnleysi á netmiðlum er eitthvað sem verður að taka á. Þeir sem skrifa ekki undir eigin nafni geta ekki ætlast til þess að vera teknir alvarlega.