Ekkert óeðlilegt við þessa niðurstöðu

Þessi niðurstaða í skoðanakönnun eftir allt sem á hefur gengið er ekkert óeðlilegt.  Þegar Fréttablaðið hefur sett þessa könnun af stað hafa þeir fyrirfram vitað að t.d. Sjálfstæðisflokkurinn myndi ekki mælast vel, en eins og vitað er þá er Fréttablaðinu og eigendum þess ekki mjög hlýtt til Sjálfstæðisflokksins.

Ég veit að þegar nýr meirihluti mun steyta á einhverju skeri mun niðurstaða úr skoðanakönnunum verða önnur.

Nýr meirihluti nýtur stuðnings 56,5% borgarbúa samkvæmt könnun

Athugasemdir

[Baldvin Jónsson, 15.10.2007 kl. 00:57]

Gísli Gísli, kæri Gísli.  Þetta hefur ekkert, nákvæmlega ekkert með litla virðingu Fbl á D lista að gera.  Þetta er í samræmi við síðustu kosningar þar sem að D endaði á því að mynda "meirihluta" í borgarstjórn með minna en 50% atkvæða.

Er í fullkomnu samræmi við það.  En nú leita Sjallar náttúrulega að því lifandi ljósi hverjum er um að kenna í stað þess að skammast sín skelfilega fyrir að standa ekki með leiðtoga sínum í borginni og fara á bakvið hann í valdaráns-makki.

[Gísli Bergsveinn Ívarsson, 15.10.2007 kl. 09:29]

Baldvin, Baldvin, kæri Baldvin.

Ég sé í sjálfu sér ekkert að því að funda án Villa en stundum er nauðsynlegt að hittast án þess að borgarstjórinn, forstjórinn eða framkvæmdastjórinn sé á staðnum.  Þannig fundir gefa fólki tækifæri til þess að tjá sig án hafta. 

Það að þessi fundur hafi spurst út er hugsanlega enn meira klúður en greinilegt að þar hefur orðið stór trúnaðarbrestur sem verður að vísa til föðurhúsanna.