VG er á móti einkavæðingu

Hjá Svandísi kemur nú skýrt fram að VG er á móti einkavæðingu.  Þeir vilja bara hafa ríkisrekna banka, ríkisrekna fjölmiðla, ríkisrekna skóla og ríkisrekna þjónustu af öllu tagi.

Ég er rosalega feginn að þeir eru ekki leiðandi í ríkisstjórn

Svandís: „Valhöll getulaus í erfiðum málum"

Athugasemdir

[Jón Steinar Ragnarsson, 12.10.2007 kl. 21:24]

Einkavæðing hefur sína kosti og galla. Mikilvægt er að rétt sé staðið að slíkum hlutum og varast að færa stóreignarmönnum sameign í landgæðum á silfurfati. Gera fjöregg okkar að veði fyrir stjóornlausri erlendri lántöku, sem er hættulegt pókerspil og gæti kostað okkur sjálfstæði og sjálfræði.

Þetta OR mál er klúður, hvar sem á það er litið en eitt er víst:

 

Ég vil kosningar eins og þegar um venjuleg stjórnarslit er að ræða.  Báðir aðilar eru sekir í því klúðri sem var orðið.  Þessi aðgerð minnihlutabrotanna, sem ekki hafa neinn málefnagrunn, er ekki á nokkurn hátt viðleitni til að leysa þá kreppu, sem lá til grundvallar, heldur mun dýpka hana og valda stjórnleysi.  Björn Ingi tók ekki þessa ákvörðun af eigin stjórnkænsku heldur undir þrýstingi óviðkomandi hagsmunaafla og viðurkenndi Alfreð m.a. í útvarpsviðtali í dag að hafa verið með í ráðum.

Þetta er valdarán samviskulausra tækifærissinna, sem hafa gerst uppvísir um að hagræða sannleikanum.  Að vara samstarfsaðila ekki við þessu plotti, sýnir að enginn vilji var til að leysa kreppuna. Aðalatriðið var að þjóna þeirra eigin egói og framagosahætti.

Það getur ekki verið samkvæmt lýðræðisreglum, það sem átt hefur sér stað. Við ættum að hefja formlega undirskriftasöfnun, til að knýja á um kosningar. Það væri lýðræðislegt. Þessa gúbba kaus enginn. Í aðdraganda slíkra kosninga ætti líka að vinnast tími til að ræða í hörgul það siðferði, sem gilda skal við viðskiptahrókeringar og einkavinavæðingu á almannaeignum.  Það hefur enginn botn fengist í það enn og þessi aðgerð var bara til að svæfa þá umræðu og kasta ryki í augu kjósenda.

Út með þennan skríl! 

[Gísli Bergsveinn Ívarsson, 12.10.2007 kl. 21:39]

Góð ræða Jón Steinar

[Fannar frá Rifi, 13.10.2007 kl. 00:46]

Það er samt alveg helvíti fynndið að þau laun sem staðið hafa eftir í samfélaginu eru þau sem ríkið borgar. eru einhver tengsl á milli lágra launa og að starfa hjá ríkinu? 

[E.Finnsson (IP-tala skráð) 13.10.2007 kl. 02:47]

Nú ert þú klárlega að mistúlka orð Svandísar. Það kemur hvergi fram að hún sé á móti einkavæðingu. Það er einhvern veginn orðið einhvers konar þegjandi samkomulag um að ríkisrekstur sé í eðli sínu slæmur og einkavæðing þar af leiðandi undantekningalaust lausn á einhverjum óskilgreindum vanda. Við þetta setur Svandís spurningamerki og kallar einkavæðingarbrjálæði.

Sjálfur sé ég ekkert athugavert við ríkisrekna fjölmiðla, sem gegna ákveðnu hlutverki um hlutlausan en gagnrýninn fréttaflutning, fræðslu og menningarefni. Ég sé ekkert athugavert við ríkisrekna skóla sem sjá til þess að allir sitji við sama borð þegar kemur að grunn- og framhaldsmenntun og ég sé ekkert athugavert við ríkisrekna heilbrigðis- og félagsþjónustu sem allir hafa jafnan og greiðan aðgang að.

Hvort hlutirnir séu svo aftur á móti framkvæmdir á þann hátt sem mér þættu fýsilegastir er svo annað mál og kemur þessari umræðu í rauninni ekkert við enda eðli reksturs og framkvæmd hans tveir gerólíkir hlutir.

[Gísli Bergsveinn Ívarsson, 13.10.2007 kl. 11:15]

Er ég að mistúlka orð Svandísar?  Gott að E.Finnsson kann að túlka og lesa Það sem Svandís og VG er að segja.

[Gísli Bergsveinn Ívarsson, 13.10.2007 kl. 11:17]

mjög mikið til í því sem Fannar frá Rifi segir