Borð forsetans

Fór nú á dögunum út að borða í miðbænum.  Þannig var að á Íslandi var staddur einn af erlendum byrgjum fyrirtækisins sem ég vinn fyrir og vildum við bjóða honum út að borða í miðbæ Reykjavíkur. 

Þegar borðið var pantað bað ég sérstaklega um borð við glugga þannig að þessi ágæti erlendi viðskiptafélagi gæti setið við gluggann og séð þannig hluta af mannlífinu í Reykjavík. 

Þegar á staðinn var komið var mér sagt að við myndum fá forsetaborðið og var ég frekar ánægður með það í fyrstu en þegar ég vissi ástæðuna fyrir nafngiftinni þá var ég ekki jafn ánægður með borðið.  Málið er að Forsetinn pantar alltaf þetta borð og er hann þá eins og Al Capone var á sínum tíma en þá hefur hann gott útsýni yfir salinn og sér alltaf hverjir eru að koma og og er viss um að allir sem koma inn á staðinn sjái hann örugglega. 

Er það eitthvað atriði að Forsetinn sé sýnilegur þegar hann fer út að borða eða á kaffihús?  Tíðkast svona sýndarmennska erlendis þegar þjóðhöfðingjar eru á ferð?  Er forsetaembættið eitthvað sem við viljum sjá í slúðurblöðum og viljum við vita hvort hann sé á veitingahúsi sem maður er að borða á eða njóta annarra veitinga?  Mér finnst núverandi Forseti hafa fært virðinguna fyrir forsetaembættinu niður á mun lægra plan en áður var.

Ég hef aldrei kosið núverðandi Forseta