Þá er hún byrjuð aftur

Í flestum málum var formaður Samfylkingarinnar á móti flestum málum og er ótrúlegt að fylgjast með sinnaskiptum sem virðast hafa orðið hjá henni.

Ég get ekki tekið mark á þvi sem hún segir þegar hún byrjar

Íslendingar eiga að leggja metnað í að láta mál alþjóðsamfélagsins til sín taka

Góð byrjun hjá Liverpool

Alltaf er gaman þegar liðið manns byrja vel á leiktíðinni en það getur alltaf góð fyrirheit.

Ég held með Liverpool og mun fylgja þeim áfram sama á hverju gengur

Gerrard tryggði Liverpool sigur með glæsimarki

Montreal-4

Að skyldustörfum loknum í dag fórum við og flatmöguðum aðeins í sólinni en þrátt fyrir smá vind var vel heitt þannig að maður náði því aðeins að grilla sig.

Að því loknu tókum við okkur góðan göngutúr en á göngutúrnum fengu strákarnir sér meðal annars Dairy Queen ís en ég man vel eftir þeirri ísbúð í Vesturbænum heima en man ekki hvort hún er ennþá til þar.  Gengum meðal annars þar sem Mac Gills háskólaþorpið er en bróðursonur Klöru er að fara þar í Háskóla á næstu vikum. 

Meginástæða göngutúrsins var til þess að finna Montreal Park en þar er á hverjum sunnudegi "Tam Tam day" en þá mæta saman fjöldinn allur af fólki með bongótrommur og hverskyns hljóðfæri og síðan er "djammað" saman og dansað.  Á sama tíma og á sama stað er haldinn markaður en þar sem selt eitthvað sem er ólöglegt (eins og segir í bæklingnum) en lyktin á markaðnum er eins og í Kristjaníu.  Það var skemmtileg upplifun að koma á þennan stað og hlusta á hundruðir af fólki koma saman og hlusta á taktfasta tónlistina en samspilið stóð jafnvel í 30-40 mínútur í einu og var þá mjög stutt pása þar til einhver annar byrjaði að berja drumburnar.  Klara mín náði að versla sér eitthvað glingur á markaðnum og svalaði það hennar innkaupaþörf þennan daginn.

Um kvöldið enduðum við síðan á kjúklingastað í nágrenni hótelsins en eftir að þaðan kom út hittum við mann sem spurði okkur "hvort við værum sátt við hann" en hann hafði í tvígang hringt á okkur fyrsta morguninn og vakið okkur en hann taldi sig vera að hringja annað.  Við vorum auðvitað "sátt við hann".

Ég held að við munum fara í verslunarleiðangur á morgun

 

Montreal-3

Eftir ræktina og morgunmatinn í dag ákváðum við að drífa okkur í það að að skoða Biodome sem er stór dýragarður sem sýnir m.a. dýr frá hinum og þessum tímabeltum.  Þar sáum við t.d. krókódíla, mörgæsir, lunda, apa og páfagauka, svo lítið eitt sé nefnt.  Eftir það fórum við í stóran garð sem hýsir Insectarium dýrsafn en þar mátti líta allskonar pöddur og flugur og læt ég fylgja með mynd af stórri tarantúllu sem vildi endilega láta taka mynd af sér.

Báðir þessir garðar eru tengdir Ólympíugarðinum sem settur var upp í tengslum við Ólimpíuleika sem fóru fram 1900 og eitthvað.

Eftir heimsóknirnar í garðana fórum við fullorðna fólkið í sólbað en strákarnir fóru í laugina.

Um kvöldið fórum við síðan út að borða á Ítalskan veitingastað í nágrenni við hótelið okkar og enduðum síðan kvöldið á því að spila grísaspilið (Pass the pigs) á hótelinu.

Ég reikna með því að við verðum í sólbaði á morgun

 

Allir geta fengið sér SKY

Fyrir um ári síðan blöskraði mér gjörsamlega okrið hjá 365 og sagði upp 20 ára samfelldri áskrift hjá 365 og fékk mér SKY+ Digital í staðin.

Ég er roslaega ánægður með SKY+Digital

Lögbannskröfu hafnað

Hræsni?

Íslenskur fiskiðnaður segist berast á banaspjótum og síðan leyfa menn sé að gefa öllum langt nef með því að kaupa sér þyrlu.

Ég held að hér fari ekki saman hljóð og mynd

Leysir eigin samgönguvandamál með þyrlu

Eiður Smári þarf að komast til alvöru liðs

Það væri alveg frábært ef Eiður myndi fara til alvöru fótboltaliðs eins og t.d. Liverpool en það hefur verið mitt lið frá því að ég horfði á þá spila í svarthvítu (já ég er orðinn svona gamall).

Lið eins og Westham, Newcastle og Manchester City eru lið sem eru honum ekki samboðin.

Ég vona að Eiður Smári endi hjá Liverpool

Eiður orðaður við Newcastle og Manchester City

Montreal-2

Byrjaði daginn snemma í dag og skellti mér í líkamsræktarsalinn sem er hér á hótelinu en einhverjar aðra "hetjur" voru þá þegar byrjaðar að púla á undan mér.

Að aflokinni leikfiminni og sturtunni var tekinn morgunmatur sem innihélt umtalsvert fleiri hitaeiningar en ég hafði "eytt" fyrr um morguninn en ég lét mig samt hafa það með góðri samvisku að fá mér egg og beikon og annað það sem var í boði í morgunverðinum. 

Því næst fórum við í Kínahverfið í Montreal og þræddum þar í gegnum hverja búðina á fætur annarri.  Þar mátti sjá ýmislegt forvitnilegt og var eitthvað af því verslað.  Eftir Kínahverfið var göngunni haldið áfram yfir í gamla hverfið og voru þar hvíld lúin bein og tekin inn næring í fljótandi formi.

Fórum síðan í "skoðunarferð" um verslanir sem eru í verslunarmiðstöðinni á hótelinu og í nærliggjandi götum og sendi ég til gaman með mynd af því hvað ungir drengir skemmtu sér vel í verslununum.

Við strákarnir fórum síðan í sundlaugina á hótelinu og busluðum þar eitthvað en laugin er undir þaki en þar er einnig hægt að fara í gufu og fór Valli minn þar inn og svitnaði aðeins en á meðan við strákarnir notuðum aðstöðuna á hótelinu sá Klara mín um að kanna hvar væri best að versla og svoleiðis. 

Ég skemmti mér "ótrúlega" vel í búðunum

Montreal-1

Þá er maður kominn á hótelið og búinn að borða fyrstu máltíðina í Canada.  Flugferðin gekk nokkuð vel en við fengum ókyrrð í smá tíma en það er svo gaman þegar þannig er.

Hótelið sem við erum á heitir Hyatt Regency og er sérstaklega vel staðsett en sambyggt við það er moll sem ég veit að konan á örugglega eftir að teyma okkur í gegnum.

Erum núna frekar lúin en tímamismunurinn er 4 klst þannig að klukkan hjá okkur núna er 23:00 á staðartíma eða 3:00 að íslenskum tíma.

Ég mun senda meira síðar

Leifsstöð

Sit hér á Leifsstöð með g og t og ákvað að athuga hvort að netið væri aðgengilegt hér, og viti menn...

 Sá fyrir einhverju síðan að almenn ánægja væri með nýja Leifsstöð og er það örugglega að hluta til rétt en ég er alveg á því að ég og við höfum aldrei fengið verri samlokur eða hamborgara en við fengum hér í dag.

Ég er á þvi að það þurfi samkeppni um veitingasölu í Leifsstöð