Gísli Bergsveinn Ívarsson

31.12.2009 | 01:05

Til hamingju Evrópusambandssinnar

Rétt er að óska Evrópusambandssinnum VG og Samfylkingarinnar til hamingju með þessa "glæsilegu niðurstöðu".

Ykkar verður örugglega minnst um aldur og ævi.

Ég myndi skammast mín fyrir að vera þið

	Alþingi samþykkti Icesave
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Úr fréttum BBC í kvöld:

The measure, narrowly approved against strong opposition, was seen as crucial to Iceland's bid to join the EU and rebuild its economy.

Ebbi (IP-tala skráð) 31.12.2009 kl. 03:06

Hvurslags vitleysa að kaupa aðgöngumiða í fangelsi. Sérstaklega þegar maður hefur ekkert af sér gert. Hver á svo að borga þetta? Essasú?

Það er greinilegt að ég á ekki að fá að búa með börnin mín hjá mér á næstunni!

Guðmundur Ásgeirsson, 31.12.2009 kl. 05:03

Já, þetta er allt ESB, IMF og EES að kenna, helvítis græðgi í þessum útlendingum!!

En ég legg það einnig til að kosið verður um hvort við þurfum að borga skuldir okkar af íbúðarhúsnæði og yfirdrætti meðfram Icesave samningnum, hver skyldi niðurstaðan verða úr því?

Í fullri alvöru held þó að óhætt sé að segja að þessi ömurlegi samningur sé færður okkur í boði Davíðs Oddssonar og Halldórs Ásgrímssonar. Þetta eru sannir föðurlandsvinir. Frábært framtak hjá þeim bræðrum!!!

Til hamingju sjálfstæðismenn og framsóknarmenn, nú þarf þjóðin að fara að borga af yfirdrættinum sem þið tóku á ykkar valdartíð.

Munið bara að kjósa rétt næst!!

Jón Sigurðsson (IP-tala skráð) 31.12.2009 kl. 11:05

Almenn hegningarlög tala um landráð í 86. gr:

Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt."

Eru stjórnarliðar sekir um: verknað, sem miðar að því, að reynt verði með [...] nauðung eða svikum að ráða íslenska ríkið eða hluta þess undir erlend yfirráð" ESB?

Ef rétt reynist að Icesave-samningur ríkisstjórnarinnar miðar að því að liðka fyrir inngöngu Íslands í ESB; En sönnunargögn þess efnis hrannast upp úr öllum áttum. Og ef frásagnir þingmanna um að vera beittir nauðung í Icesave-málinu eru sannar; En það að hóta stjórnarslitum er nauðung. Þá hafa hinir ábyrgu í ríkisstjórn gert sig að landráðamönnum fyrir landslögum.

Jón Þór Ólafsson, 31.12.2009 kl. 13:14

Þennan texta á að syngja með ákveðnu lagi:

In your face, in your face, in your face.
In your face, in your face, in your faaaace.
In your face, in your face, in your face.
In your faaaace, in your face!
(o.sv.frv.)

Texti
Ó.

Ó (IP-tala skráð) 31.12.2009 kl. 17:12

Við megum ekki gleyma hugleysingjanum af Suðurnesjunum Atla Gíslasyni búslóðarflutningsmanns og skattaskýrsluútfyllanda.

Nú þurfa menn ekki að vera sér menntaðir í lagafræðum til að skilja ágætlega hvað hegningarlög segja, og hversu víða menn hafa dansað línudans hvað stjórnarskrá varðar. Td. atriði eins og bregðast skildum hvað samningsgerð varðar og undanskot gagna eins og þeir Steingrímur J. og Össur gerðust sekir um, og breytir engu hvort um brotavilja eða gáleysi er um að ræða. Sem á við flest ef ekki öll önnur möguleg brot. Afsakaðu hversu langt þetta verður, en ar sem þetta er lífleg síða er örugglega gagnlegt fyrir marga að hugleiða í hverskonar ógöngur ráðamenn núverandi og fyrrverandi eru búnir að koma sér út í með ömurlegri og fullkomlega óásættanlegri framgöngu sinni í Icesave málinu.

X. kafli. Landráð.

86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.
87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.
88. gr. [Hver, sem opinberlega í ræðu eða riti mælir með því eða stuðlar að því, að erlent ríki byrji á fjandsamlegum tiltækjum við íslenska ríkið eða hlutist til um málefni þess, svo og hver sá, er veldur hættu á slíkri íhlutun með móðgunum, líkamsárásum, eignaspjöllum og öðrum athöfnum, sem líklegar eru til að valda slíkri hættu, skal sæta 1) fangelsi allt að 6 árum. Ef brot þykir mjög smávægilegt, má beita sektarhegningu.]2)
1)L. 82/1998, 21. gr. 2)L. 47/1941, 1. gr.
89. gr. Beri íslenskur ríkisborgari í ófriði vopn gegn íslenska ríkinu eða bandamönnum þess, þá varðar það fangelsi ekki skemur en 2 ár.
Sömu refsingu skal hver sá sæta, sem í ófriði, eða þegar ófriður vofir yfir, veitir fjandmönnum íslenska ríkisins liðsinni í orði eða verki eða veikir viðnámsþrótt íslenska ríkisins eða bandamanna þess.
90. gr. Rjúfi maður, meðan á ófriði stendur eða þegar hann vofir yfir, samning eða skuldbindingu, sem varðar ráðstafanir, sem íslenska ríkið hefur gert vegna ófriðar eða ófriðarhættu, þá skal hann sæta 1) fangelsi allt að 3 árum.
Hafi manni orðið slíkt á af stórfelldu gáleysi, skal honum refsað með sektum eða [fangelsi allt að 1 ári].1)
1)L. 82/1998, 22. gr.
91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með 1) fangelsi allt að 3 árum, eða sektum, ef sérstakar málsbætur eru fyrir hendi.
1)L. 82/1998, 23. gr.
92. gr. Hver, sem af ásetningi eða gáleysi kunngerir, lýsir eða skýrir óviðkomandi mönnum frá leynilegum hervarnarráðstöfunum, er íslenska ríkið hefur gert, skal sæta 1) fangelsi allt að 10 árum, eða sektum, ef brot er lítilræði eitt.
Sömu refsingu skal hver sá sæta, sem af ásetningi eða gáleysi stofnar hlutleysisstöðu íslenska ríkisins í hættu, aðstoðar erlent ríki við skerðingu á hlutleysi þess, eða brýtur bann, sem ríkið hefur sett til verndar hlutleysi sínu.
1)L. 82/1998, 24. gr.
93. gr. Stuðli maður að því, að njósnir fyrir erlent ríki eða erlenda stjórnmálaflokka beinist að einhverju innan íslenska ríkisins eða geti beint eða óbeint farið þar fram, þá varðar það 1) fangelsi allt að 5 árum.
1)L. 82/1998, 25. gr.
94. gr. Ef verknaði, sem refsing er lögð við í XXIII., XXIV. eða XXV. kafla laga þessara, er beint að þjóðhöfðingja erlends ríkis eða sendimönnum þess hér á landi, má auka refsingu þá, sem við brotinu liggur, þannig að bætt sé við hana allt að helmingi hennar.
95. gr. [Hver, sem opinberlega smánar erlenda þjóð eða erlent ríki, æðsta ráðamann, þjóðhöfðingja þess, fána þess eða annað viðurkennt þjóðarmerki, fána Sameinuðu þjóðanna eða fána Evrópuráðs, skal sæta sektum [eða fangelsi allt að 2 árum. Nú eru sakir miklar og varðar brot þá fangelsi allt að 6 árum.]1)]2)
[Sömu refsingu skal hver sá sæta, sem smánar opinberlega eða hefur annars í frammi skammaryrði, aðrar móðganir í orðum eða athöfnum, eða ærumeiðandi aðdróttanir við aðra starfsmenn erlends ríkis, sem staddir eru hér á landi.]3)
[Sömu refsingu skal hver sá sæta sem ógnar eða beitir valdi gagnvart sendierindreka erlends ríkis hér á landi eða ræðst inn á eða veldur skemmdum á sendiráðssvæði eða hótar slíku.]4)
1)L. 82/1998, 26. gr. 2)L. 101/1976, 10. gr. 3)L. 47/1941, 2. gr. 4)L. 56/2002, 1. gr.
96. gr. 1)
1)L. 82/1998, 27. gr.
97. gr. Mál út af brotum, sem í þessum kafla getur, skal því aðeins höfða, að dómsmálaráðherra hafi lagt svo fyrir, og sæta þau öll [meðferð sakamála].1)
1)L. 88/2008, 234. gr.