For a few dollars more

 

Höfum haft það frábært hér í Flórída undanfarna daga en við fórum í Universal á þriðjudaginn og tókum síðan rólegri dag í dag (miðvikudag).

Það var mikil upplifun að koma í Universal en við Klara fórum þangað 1994 þannig að ýmislegt hefur breyst frá þeim tíma.  Í dag er Universal 2 garðar, annar Universal Studios og hinn Universal's Islands of Adventure.  Þar sem við vorum þarna á þriðjudegi komumst við hratt og vel í gegnum Universal Studios garðinn og náðum að prófa allflest tæki sem voru í boði (fyrir fólk á okkar aldri ), en við tókum síðan seinni garðinn meira sem skoðunarferð en rákumst þar á fræga kvikmyndahetju en mynd  af henni er  hér fyrir ofan.

Í dag var laugin og sólin tekin eitthvað framyfir hádegið en þá var haldið áfram að þræða búðirnar og fara út að borða en peningurinn hér úti getur verið fljótur að fara ef maður er í því stuðinu.

Á morgun reiknum við með því að fara yfir á Cocoa Beach, Kennedy Space Center og enda síðan í Flórida Mallinu þannig að þetta verður einn af þessum maraþon dögum.

Ég held að við gætum orðið sæmilega þreytt annað kvöld

 

Athugasemdir

[Rebbý, 13.3.2008 kl. 20:41]

hvílist bara þegar heim kemur ..... haldið áfram að vera dugleg

[Gísli Bergsveinn Ívarsson, 14.3.2008 kl. 02:35]

Á ég þá bara að hvíla mig þegar ég kem í vinnuna?

[Ásdís Sigurðardóttir, 14.3.2008 kl. 18:09]

Innlitskvitt, ég fylgist með ykkur. Góða skemmtun