Eru þetta nauðsynlegar upplýsingar?

Skil ekki alveg tilganginn með þessari tölfræði en svona upplýsingar eru aðeins til þess að ala á útlendingahatri.  Fólk má ekki gleyma því að erlent vinnuafl er forsenda þeirrar uppbyggingar sem átt hefur sér stað hér á Íslandi.

Svona fréttaflutningur finnst mér að eigi ekki að eiga sér stað í siðmenntuðu samfélagi eins og okkar.

Ég hvet fólk og fréttamenn til þess að láta af svona samanburði

Hátt hlutfall útlendinga í ölvunarakstursmálum

Athugasemdir

[sigurbjörn (IP-tala skráð) 14.1.2008 kl. 23:28]

Af hverju má ekki tiltaka þjóðerni fólks í fréttum?Hvort sem þær eru góðar eða slæmar.það má sem sagt ekki segja að Pólverji hafi bjargað einhverjum heldur segja að einstaklingur(Það má væntanlega ekki segja Karl eða kona)hafi bjargað einstaklingi frá dauða.Frekar heimskulegt

[Jón Magnússon (IP-tala skráð) 15.1.2008 kl. 00:15]

Er það ekki réttur fólks í lýðræðisríki að allar upplýsingar liggi frami þannig að fólk geti lagt  mat á það sem er borið á borð fyrir það.

 Það eru ekki allir sammála því að þessi hraða uppbygging mannvirkja og erlenda skulda hafi verið rétt og ekki útséð í dag hvernig efnahag íslendinga kemur til með að reiða af á næstu misserum og árum.Og hversu siðmenntuð við erum veit ég ekki en hitt veit ég að Mannréttindanefnd SÞ. hefur úrskurðað að Íslensk stjórnvöld hafi brotið mannréttindi á þegnunum um langa tíð.

Og þessi sömu stjórnvöld galopnuðu landið fyrir ódýru vinnuafli frá fátækasta hluta Evrópu án þessa að fyrst að setja vinnulöggjöf sem verndaði bæði þá útlendinga sem hingað komu og eins þá íslendinga sem fyrir voru í þeim starfsgreinum sem soguðu til sín erlend vinnuafl.Allir sem ekki eru bæði blindir og heyrnalausir vita hvernig það hefur gengið fyrir sig.

Komið hefur verið fram við þessa erlendu verkamenn eins og þræla af óprúttnum gráðugum atvinnurekendum og við íslendingana er sagt að ef þið sættið ykkur ekki við þessi smánar laun getið þið bara tekið pokann ykkar og farið,nóg er af pólverjum.

Siðmenntað ? Ekki finnst mér það.

Tek fram að svona eru að sjálfsögðu ekki allir Íslenskir atvinnurekendur en þeir sem eru sekir eru líka um leið uppspretta útlingdingahaturs sem ég tel reyndar að sé orðum aukið á Íslandi en munn aukast með auknu atvinnuleysi  og eins ástæða haturs  útlendingana á okkur,það er til staðar trúðu mér og finnst mér ekki skrýtið miðað við hvernig hefur verið komið fram við þá. 

[magnús (IP-tala skráð) 15.1.2008 kl. 00:23]

Af því að þú telur þig hagnast á vinnu útlendinga í láglaunastörfum, finnst þér auðvitað ekki passa að draga fram neikvæðu hliðarnar á málinu, t.d. þessa hlið.

Með því að fela óþægilegar staðreyndir líður þér auðvitað betur. 

Mér finnst mjög athyglisvert að útlendingar séu tvöfalt til þrefalt líklegri til að nauðga eða aka undir áhrifum en íslendingar, og fásinna að ætla að halda slíkum staðreyndum leyndum fyrir þjóðinni.

Hins vegar getur þú bara stungið hausnum aftur í sandinn ef þér finnst það þægilegra.

[Sævar Finnbogason, 15.1.2008 kl. 01:31]

Já þetta eru Nauðsynlegar upplýsingar. Þetta eru gagnlegar tölfræðilegar upplýsingar um graf alvarlega hluti, sem segja okkur að við þurfum að leggja meira á okkur til að skýra fyrir útlendingum hverjar skyldur þeirra eru og hvaða lög gilda t.a.m um áfengismagn í blóði ökummanna. Þeir eru ekki að horfa á auglýsingar umferðaráðs. Við megum ekki vera svo "politicaly correct" að við lokum augum fyrir hlutum sem við þurfum að sinna. bara að því að ekki er hægt að ræða um málin án þess að menn fari að hrópa úlfur, úlfur. 

Íslendingar eru 300.000 og 60 % þeirra sem aka fullir og talað er um að hingað komið um það bil 20.000 mann til starfa frá útlöndum og eiga þessi 40% með túristunum sem aðallega eru á ferðinni á sumrin og eru síður akandi í Reykjavík.

Því verðum við að vita hvort þetta eru í meira mæli túristarnir eða þeir sem búa hér og eiga því að vita betur. 

Nú þegar við vitum þetta er bara að reyna að átta sig á ástæðum þessa. Eru menn bara að gera einsog þeir gera heima hjá sér? Vantar fræðslu? Hvað er til ráða? Harðari refsingar?

Það er jafn vont þegar íslendingar keyra fullir ekki misskila mig og ég er á því að það megi taka mun harðar á ölvunarakstri. Því sá sem deyr fyrir hendi ölvaðs ökumanns hefur einfaldlega verið myrtur og því ætti sá sem slysinu veldur að vera meðhöndlaður sem slíkur.

Það blasir því við að þetta er feyki hátt hlutfall. Drukkinn maður á bíl er með morðvop í höndunum, það er fleiri dæmi um það en tárum tekur.  

[Gísli Bergsveinn Ívarsson, 15.1.2008 kl. 08:59]

Jæja, hér þykir mér vera orðið líflegt

[Edda Agnarsdóttir, 15.1.2008 kl. 19:02]

Já Gísli sum mál eru erfið. En ég er sammála þér í því að frétt þess efnis að útlendingar séu teknir oftar undir áhrifum áfengis við akstur og jafnvel önnur afbrot er ekki til þess fallið að almenningur í landinu skilji útlent verkafólk betur eða það fólk sem sest hér að. En það segir mér líka að fólk er ekki nægjanlega upplýst um okkur og við verðum kannski að gera betur.

[Þórdís Bára Hannesdóttir, 15.1.2008 kl. 20:17]

Það er makalaust hvað fólk er stressað út af útlendingum út af engu.  Útlendingar eru bara fólk eins og við.  Ef allir búa við sömu kjör og tækifæri verða engin vandamál  hvort sem fólk er af erlendu bergi brotið eða ekki.

[Gísli Bergsveinn Ívarsson, 15.1.2008 kl. 20:36]

Takk fyrir Edda og Þórdís. 

Það þurftu einnig að koma inn viðhorf eins og hjá ykkur.

[Ásdís Sigurðardóttir, 15.1.2008 kl. 23:39]

 
 

[Gísli Bergsveinn Ívarsson, 17.1.2008 kl. 23:56]

Sæll Guðlaugur

Mjög mikið til í því sem þú segir en hugsanlega gætu einhverjir lögfræðingar gert sé mat úr svona brottvikningum eða skilmálum sem snúa aðeins að þessum ákveðna hlut.