Samkeppni

Er ekki rétt að gefa sveitarfélögum tækifæri á því að vera með samkeppni sín á milli í þessu málum?  Það er hálf skrítið að ríkið sé að setja hömlur á sveitarfélög í þessu málum.

Ég er ákafur stuðningsmaður í öllu því sem viðkemur heilbrigðri samkeppni

Burt með bann við skattalækkunum

Athugasemdir

[Jóhann (IP-tala skráð) 1.11.2007 kl. 11:19]

 Það gætu þó verið erfitt að bjóða upp á slíkra samkeppni eins og málum er háttað í dag því sveitarfélög keppa á fleiri sviðum en útsvarsprósentu eins og t.d. í velferðarmálum, þjónustu o.fl.

 Væri útsvarsprósentan gefin alveg frjáls, þá gætu myndast skattaparadísir hér og þar í enn meiri mæli en gerist í dag. Auk þess geta þeir sem búa í sveitarfélagi með lægri útsvarsprósentu flutt milli sveitarfélaga og notið þeirrar þjónustu sem þar býðst, þótt viðkomandi hafi aldrei greitt skatt til þess sveitarfélags.

 Ef þetta verður gefið frjálst þá þarf a.m.k. að tryggja það að fjárhagsleg byrði sveitarfélaga vegna einstaklinga sem skapa nettó útgjöld fyrir það sveitarfélag verði í réttu hlutfalli við það skattfé sem það hefur fengið frá viðkomandi einstaklingi, þ.e. að önnur sveitarfélög þar sem viðkomandi hefur búið taki þátt í kostnaðinum. Það gengur ekki að fólk sem velur að búa í skattaparadís geti svo, þegar það lendir í áfalli, lagst eins og blóðsugur á sveitarfélög sem hafa lagt meira upp úr velferð sinna borgara.

 Verði það ekki gert er hætta á að sveitarfélögin keppi eingöngu við hvort annað um útsvar og velferðarmálin taki stórt stökk niður á við. 

 Svo er líka spurning hvort við viljum að hinir ríku og tekjuháu búi í sveitarfélögum með lága útsvarsprósentu en hinir fátækari í gettóunum. Hvernig væri hægt að reka slíkt kerfi án þess að eyðileggja það velferðarþjóðfélag sem við höfum skapað s.l. áratugi.

[Gísli Bergsveinn Ívarsson, 1.11.2007 kl. 13:11]

Jóhann, þetta eru góðar pælingar hjá þér en ég er samt á því að ríkið eigi ekki að skikka sveitarfélög til þess að vera með einhverja lágmarksprósentu.

Ár ríkið þá að fara að skipta sér af almennum gjaldskrám hjá sveitarfélögum, ég bara spyr?

[Vilborg Traustadóttir, 1.11.2007 kl. 17:11]

Ef útsvarið fer í þá þjónustu sem Sveitarfélögin veita og ef sveitarfélögin treysta sér til að lækka útsvör og veita góða þjónustu ætti það bara að vera jákvætt?

[Gísli Bergsveinn Ívarsson, 1.11.2007 kl. 20:29]

Já, er það ekki Vilborg?