Montreal-6

Þó að eitt árið enn hafi dunið á mig fór ég þrátt fyrir það í ræktina eins og aðra morgna hér en síðan var morgunverðurinn tekinn með trompi sem aldrei fyrr, "2 eggs sunny side up" og beikon sem ég mun ekki gefa upp hvað var mikið af og eitthvað meira með því. 

Meðan ég var sveittur við það að borða morgunmatinn er byrjað að syngja afmælissönginn í eyrað á mér með djúpri karlmannsrödd.  Þarna var mættur útvarpsmiðillinn sjálfur en við vorum búinn að segja honum einhverjum dögum áður að afmælið mitt væri þennan dag en margur gæti haldið að hann hafi fundið þetta á sér vegna skyggnugáfunnar.  Ég var "sáttur við hann" vegna söngsins.

Eftir morgunmatinn var farið í sólbað sem stundað var í um 2 klst eða svo en þá fórum við og skoðuðum stað sem heitir Place D'Arts sem er eitthvað listadæmi við hliðina á hótelinu hjá okkur.  Þar fórum við m.a. í verslun sem er að selja allskonar "design" vörur og var þar margt ansi forvitnilegt. 

Næst voru almenningssamgöngur notaðar til þess að fara í Wall-Mart, já segi það og skrifa það Wall-Mart á afmælisdaginn.  Á þeim sama punkti mátti einnig finna Sears, Futureshop, Canadian Tyre og fleiri verslanir og voru þær einnig skoðaðar í leiðinni.  Þessi "skoðunarferð" tók til að verða 19:00 og náðum við rétt aðeins að skila að okkur pökkunum og skipta um föt áður en við tókum okkur leigubíl til þess að fara á Hard-Rock í Montreal. 

 

Þessi staður virtist í fyrstu vera nokkuð minni en Hard-Rock sem maður hefur heimsótt hér og þar en þegar bestur var að gáð mátti sjá að staðurinn leynir á sér en hann er með þetta klassíska "look" sem Hard-Rock er þekkt fyrir.  Öllum að óvöru söng starfsfólkið þar afmælissönginn fyrir mig og mætti halda að einhver hafi sagt þeim af því að ég ætti afmæli.

Eftir að heim á hótelið kom aftur skruppum við Klara aðeins á barinn á hótelinu og kíktum á mannlífið þar. 

Ég átti sérlega ánægjulegan afmælisdag

Athugasemdir

[Edda Agnarsdóttir, 15.8.2007 kl. 06:55]

Það er sko gaman að vera í fríi - hafðu það sem best!