Fundur Sjálfstæðisflokksins í Flensborg

Geir Haarde og frambjóðendur Sjálfstæðisflokksins Sv-kjördæmi voru með fund í Flensborg í kvöld og var einstakt að fylgjast með kraftinum sem kom frá því frábæra fólki sem við sjálfstæðismenn erum með í framboði. 

Garðbæingar eru með tvo fulltrúa á listanum yfir efstu sex en það eru Bjarni Benediktsson, alþingismaður, og Ragnheiður Elín Árnadóttir aðstoðarmanneskja forsætisráðherra.  Það er frábært að fylgjast með kraftinum í Bjarna Ben og Ragnheiði Elínu en við höfum af aðdáun fylgst með Bjarna á Alþingi þar sem hann hefur leyst erfið og snúin verkefni.  Ragnheiður er orðin vel sjóuð í störfum Alþingis eftir að hafa verið aðstoðarmanneskja Geirs Haarde í nokkur ár og má segja að hún sé fullsköpuð í verkefnið.  Hún eins og Bjarni er hörkudugleg og með bein í nefinu til þess að takast á við andstæðingana á Alþingi.

Um næstu helgi verða mikil tímamót.  Þá munum við Garðbæingar geta tryggt það að Garðabær verði með tvo þingmenn á Alþingi.  Annað sem við getum tryggt er að Ragnheiður Ríkharðsdóttir komist inn sem sjötti þingmaður sjálfstæðismanna  í Sv- kjördæmi. 

Ég hlakka mikið til eftir kosningar